KALIBO, Aklan — Naging maayos ro unang adlaw it pagbukas it voter’s registration sa probinsya it Aklan.
Raya hay suno kay Crispin Raymund Gerardo, tagapaghambae it Commission on Election ukon Comelec-Aklan sa interview it Bombo Radyo Kalibo.
Suno kana, agahon pa eamang hay may nagahueat eon nga magbukas ro andang taeatapan agud nga makaparehistro ro mga pumueoyo.
Nagakahueugan nga may nagakaigong kasayuran ro publiko sa uman nga pagbukas it voter’s registraton ko Agosto 1 para sa Sangguniang Kabataan (SK) ag Barangay election nga ginaeaumang igapatigayon sa dag-on 2020.
Ginpahayag dugang ni Gerardo nga bukas ro andang taeatapan sa pagbaton it mga new voter’s, transferre ukon magapa-correction it andang mga personal nga data hasta sa Setyembre 30 kaeakip ro adlaw it Sabado ag holidays.
Ginpaathag nga indi eon kinahang-ean nga magparehistro it uman ro mga SK voter kon naging 18-anyos eon sanda bangud awtomatiko nga maisaylo sanda halin sa “SK List of Voters” paadto sa regular “List of Voters”.
Agud nga eksakto ro ma-encode nga datos hay kinahang-ean nga magdaea it valid identification card ukon birth certificate antes nga magpadueong sa natungdan nga Comelec office.
