KALIBO, Aklan — Sang adlaw antes ro selebrasyon, masako makaron sa andang mga preparasyon ro Boracay Inter-Agency Rehabilitation Management Group (BIARMG) para sa unang anibersaryo it pagpasarado sa Boracay sa Abril 26.
Suno kay Natividad Bernandino, general manager it BIARMG haeos 70 porsiyento eon nga tapos ro nagapadayun nga rehabilitasyon sa isla nga ginaeakipan it pag-usisa sa kalidad it tubi-dagat, pag-ayos it karsada ag iba pa.
Kabulig nanda sa pagpatuman it discipline zone sa ap-at nga kanto it Boracay ro pulisya ag lokal nga gobyerno it Malay.
Maskin nga maabu pa sigon nga kinahangean nga trabahuhon, apang siguradong eowas eon nga paligsan ro front beach ag nagapadayun man ro monitoring it tubi sa back beach ukon sa Bulabog area.
Samtang, ginpahayag pa ni Bernandino nga ginatun-an man nanda makaron ro napabalitang pagsueputan it mga negosyanteng Intsik sa isla.
