Kalibo Aklan ——–Naging maayos ro flow it unang byahe it eroplano nga naglanding sa Kalibo International Airport.
Suno kay Civil Aviation Authority of the Philippines (CAAP) Aklan manager Engr. Eusebio Monserate Jr., an-om eamang ro sakay it eroplano halin sa Metro Manila nga puro mga Repatriated Overseas Filipino Workers.
Ginpahayag nga masobra 100 kunta ka mga pasahero ro naka-schedule sa nasambit nga adlaw apang an-om eamang ro nakaabot kasunod it pagsuspinde sa pagpauli sa mga Locally Stranded Individual sa Western Visayayas.
Ginpaathag nga sangka flight sa kada adlaw eamang ro ginapasugtan nga maka-eopad kon sa siin pwede magsakay ro aircraft it mga pasahero provided nga may nagakaigo sandang mga dokumento kaparehas it health certificate ag travel authority.
Ro byahe sigon makaron hay Kalibo to Metro Manila vice versa ag uwa pa it schedule flights nga ginapahanugutan sa iba pang lugar.
Ginpahayag dugang ni Monserate nga ro mga Returning OFW’s hay ginsueang sa arrival area it mga natungdan nga LGU’s kon sa siin sanda iga-quarantine sa sueod it 14 diyas.
Madumduman nga sa Executive Order number 28 series of 2020 nga ginpaguwa ni Aklan Governor Florencio Miraflores hay ginapasugtan nga magbukas it uman ro paeoparan.
Apang, ro domestic flights hay intended eamang para sa mga Returning Overseas Filipino Workers (ROF’s) ag Locally Stranded Individual (LSI’s).
Nakabaehag dugang sa EO it gobernador nga daywang ka flights per airline sa sueod it sang dominggo ro ginapasugtan nga makabyahe sa KIA.
