Gin-umpisahan eon ro pagtutok sa war crimes it Russia umpisa nga nag-eontad ro giyera sa Ukraine.
Nagpangatubang sa preliminary hearing sa Kyiv ro sambilog nga sundado nga Ruso nga si Sgt. Vadim Shishimarin nga gina-alegar nga nagpatay it inosenteng sibilyan .
Suno sa Ukraine prosecutors, nagamaneho ro Russian soldier it sangka takaw nga motor kaibahan ro iba pang sundado it Russia sa may north eastern Sumy region tag makasubeang kara ro sangka 62 anyos nga cyclist nga nagagamit it cellphone.
Ginmanduan sigon it nasambit nga sundado nga barilon ro sibilyan para mapunggan raya nga mapaabot sa Ukrainian defenders ro andang lokasyon.
Sa makaron, ginpatawag ro Russian soldier para kumpirmahon ro pilang basic details apang nakataeana pa raya nga magsumite it anang plea ukon sabat sa alegasyon kontra kana laban ag igapadayunon ro trial sa masunod nga dominggo.
Sa pihak nga parte,nauna eon man nga ipaguwa it Ukraine officials ro linibong potential war crimes ro andang nadiskubre nga gin ubra it Russia apang makapilang beses man raya nga ginbalibaran it Russia nga andang ginatarget ro mga sibilyan ag owa pa nagpaguwa ro nasambit nga nasyon it komento angot sa nasambit nga trial.
