POLICE Report — Kulong ro sangka 68-anyos nga tatay matapos ginbuno-patay ro naga-isaeahanon nga unga nga eaeaki bangud sa owa pagka-ilintindihan sa Barangay Ambitacay, Sto. Tomas, La Union.
Suno sa La Union Police Provincial Office, natabu ro insidente sa sueod mismo it baeay it 68-anyos nga suspek kun sa siin nakaangkon it mainitan nga diskusyon ro suspek ag anang 19-anyos nga unga nga eaeaki.
Ginasugid nga antes ro insidente, naunang nag-away ro suspek ag ro anang live-in partner kun sa siin nagsabat ro biktima.
Bangud kara, nagbo-oe it kutsilyo ro ama ag ginbuno sa dughan ro anang unga.
Insigidang gindaea ro biktima sa La Union Medical Center sa Agoo, La Union apang raya hay dead-on-arrival eon suno sa medical expert.
Naaresto man eagi ro ama nga nakakulong makaron ag ginpasakaan it kasong parricide.
