NATIONAL News — Kaibahan ro pangaywang unga ni Sen. Manny Pacquiao, nga si Michael Stephen sa line up it 12 nga magakandidato nga konsehal sa General Santos City sa idaeum it partido nga People’s Champ Movement (PCM) sa paeaabuton nga midterm elections.
Raya ro ginkumpirma it anang tiya nga si Mayor Lorelie Pacquiao nga uman nga magapare-elect bilang alkalde it nasambit nga lugar.
Suno sa opisyal, naeakip si Michael sa andang pag-file it certificate of candidacy (COC) sa Oktubre 5, 2024.
Ginbayluhan ni Michael ro pwesto ni dating councilor Shandee Llido sa nasambit nga line up.
Mag-eowas kara, ginaeauman man ro pagbalik ni Manny Pacquiao sa senado sa paeaabuton nga elections sa idaeum it Partido Federal ng Pilipinas (PFP) nga ginapangunahan ni President Ferdinand “Bongbong” Marcos Jr.
