-- ADVERTISEMENT --
POLICE Report — Sangka 10-dag-on nga unga nga eaeaki ro namatay matapos makapyutan it dikya ukon jellyfish samtang nagapaligos sa baybay sa Siruma, Camarines Sur.
Natabu ro insidente sa Barangay Penitan, kun sa siin parehong nakapyutan it dikya ro unga nga eaeaki ag sambilog pang unga nga anang kaibahan.
Insigidang nagpangayo it bulig ro mga unga, kun sa siin gindaea sanda sa Siruma Municipal Hospital.
-- ADVERTISEMENT --
Gindeklarang dead on arrival ro sambilog sa mga unga, samtang ro sambilog pa hay gindaea sa Bicol Medical Center para sa dugang nga atensyong medikal.
Padayun nga gina-imbestigahan it Siruma Police ro insidente ag nakikipag-angot sa mga tawuhan it resort agud nga magtau it abiso sa mga bisita angot sa peligro it jellyfish.
