USA – Naglunsar it raid ro US immigration agents sa Newark, New Jersey worksite ku Huwebes, Enero 23 oras sa Amerika, sa tunga it crackdown it Trump administration sa illegal immigrants sa Amerika.
Sa sangka statement, ginpahayag ni Newark Mayor Ras Baraka, napas-eawan ro Immigration and Customs Enforcement (ICE) agents nga makapagpresenta it warrant kadungan it andang pagkulong sa mga bukon it dokumentadong residente ag mga pumueoyo sa ginkasa nga raid sa sangka business establishment nga Ocean Seafood depot sa Newark, sa guwa it New York City.
Sambilog sa mga detainee o ginkulong hay sangka US military veteran nga nakaeksperyensya it indigidad matapos kwestyunon ro pagiging lehitimo it anang military documentation.
Sa sangka statement man, ginpahayag it tagapaghambae it Immigration and Customs Enforcement nga andang gina-imbestigahan ro nasambit nga insidente.
Apang, suno kay Mayor Baraka, gin-eabag it ginlunsar nga raid ro mga kinamatarong it mga pumueoyo sa idaeom it US Constitution.
Samtang, ginreport man ni White House spokesperson Karolin Leavitt nga una sa 538 katawo eun ro naaresto it Trump administration ku Huwebes nga ginlarawan bilang illegal immigrant criminals.
Suno kana, kaibahan sa mga nadakpan ro mga miyembro it Venezuelan prison gang ag mga indibidwal nga convicted sa sex crimes.
