Obserbahan ni United States Defense Secretary Lloyd Austin III ro pagpakita it Philippine Navy it andang T-12 unmanned surface vessels.
Ro nasambit nga saeakyan hay pangunang ginagamit sa pagprotekta it soberanya ag mag-operate sa Philippine exclusive economic zone sa West Philippine Sea.
Raya eun ro ikaap-at nga pagbisita sa nasyon ni Austin ag pang-12th nga biyahe niya sa Indo-Pacific halin kat magpungko sa pwesto.
Makapueong nana makarong adlaw si Pangueong Ferdinand Marcos kaibahan sanday Defense Secretary Gilbert Teodoro ag pilang opisyal it gobyerno.
Sueangon ni Teodoro si Austin sa sangka bilateral meeting sa Camp Aguinaldo.
Sa adlaw man it Martes hay bisitahon nanda ro Western Command it Armed Forces of the Philippines nga nakabase sa Palawan.
Una eun nga gin-anunsyo ni Austin nga gusto it US nga magdugang it $500 milyon nga foreign military financing sa Pilipinas para mapabaskog ro seguridad.
