KALIBO, AKLAN — Patay eon kat masapwan ro sangka Amerikano sa sueod it ginadayunang boarding house sa Brgy. Toledo, Nabas, Aklan.
Ginkilaea ro biktima nga si Craig Lund, 66, tumandok it California, USA ag temporaryong nagadayon sa nasambitang lugar.
Suno kay PO3 Zaldy Belen it Nabas Police station, sangka residente ro nagtawag sa andang taeatapan matapos mataeopangdan nga bukas pa ro iwag sa kwarto it biktima ag kat tan-awon hay nakit-ang nakabulagta eon ro dumueoong ag may dugo sa saeog.
Nasapwan it pulisya nga uwa eon it kabuhi ro biktima ag nakakalhit eon ro an-om nga bote it ilimnon nga uwa eon it sueod ag sangka ice box.
May nakit-ang nina sa ueo it biktima nga ginapatihang umigo sa matig-a nga bagay kat matumba.
Ro bangkay it dumueoong hay presenteng nakahaya sa sangka funeral parlor para sa safekeeping ag autopsy agud matumod kon may foul play sa pagkamatay kara.
