Gin-anunsyo ni US President Donald Trump nga igapapundo nana ro pag-atake sa energy plants it Iran sa sueod it napueong adlaw bilang pagsunod sa hinyo it Tehran.
Ginpahayag man ni Trump nga naganami eon ro pag-istorya nanda it Iran bisan pa nga ginbasura it sangka Iranian official ro U.S. proposal para mapundo eon ro kinagamo, kun sa siin gintawag nana raya nga “one-sided” ag “unfair.”
Linibo nga mga tawo ro napatay sa giyera ag nadaeahig ro mga kaiping nga nasyon it Iran, kun sa siin, naapektuhan ro ekonomiya it bilog nga kalibutan bangud sang pagtaas it presyo it langis umpisa nga ginlunsar it United States ag Israel ro pag-atake sa Tehran ko Pebrero 28.
Kahapon, Marso 26, nagpamaeag si Trump nga pagadugangan ro pressure sa Iran kon indi sanda magapasugot apang kasunod kara, nag-post imaw sa social media nga paga-punduhon anay nana ro pag-atake sa Iranian energy plants sa sueod it napueong adlaw hasta sa April 6, 2026.
