-- ADVERTISEMENT --
NATIONAL News — Nag-abot eon sa Pilipinas si Anthony Blinken, Secretary of State it Estados Unidos.
Ginkumpirma it US Embassy nga makikipagpueong si Blinken kanday Pangueong Ferdinand ‘Bongbong’ Marcos Jr., ag Department of Foreign Affairs sectretary Enrique Manalo.
Raya hay agud nga istoryahan ro mga isyung may kaangtanan sa daywang nasyon sa enerhiya, negosyo, investment, democratic values ag pagbangon halin sa COVID-19 pandemic.
Sanday US Ambassador to the Philippines Marykay Carlson ag iba pang opisyal halin sa DFA ro nag-welcome sa American top diplomat.
Halin sa Phnom Penh, Cambodia ro opisyal matapos nagtambong sa US-Asean Ministerial meeting, East Asia Summit Foreign Ministers’ meeting, ag ASEAN Regional Forum.
-- ADVERTISEMENT --
