Ginpamalibaran it Malacañang ro nagakalhit nga balita angot sigon sa “energy lockdown” nga igapatuman sa Abril 20 ag gin-insister nga raya hay “fake news.”
Suno sa Palasyo it Malacañang, uwa it planong lockdown samtang padayon ro tikang it gobyerno agud nga masiguro ro bastanteng suplay it enerhiya sa tunga it tensyon sa Middle East.
Ginklaro kara nga matapos nagkalhit ro mga panawagan nga magtipon it suplay kaparehas it pagkaon, tubi, ag kagamitan sa kuryente.
Kadungan kara, gindeklara ni Pangueong Ferdinand Marcos Jr. ro sang dag-on nga state of national energy emergency agud masolusyunan ro posibleng kakueangan sa suplay.
Ginpaeapad man ro fuel subsidy program para sa sektor it transportasyon umpisa sa Abril 6.
Samtang, ginpasiguro it Department of Foreign Affairs nga magapabiling eowas ro pag-agi it mga barkong Pilipino ag suplay it langis sa Strait of Hormuz, nga importante sa pagsueod it langis sa nasyon.
