Ginaturo nga uwa it pundo nga uean ro rason it soil erosion sa may Daja Sur, Banga nga nagresulta sa pagkatipga ukon pagkahueog sa suba it pilang mga baeay.
Ro unang baeay hay boluntaryo nga gindemolish ag himo sa light materials, ro pangaywang ag pangtalong baeay hay nahueog sa suba nga parehong himo sa concrete materials.
Pagsaysay ni Scottish Panagsagan – responder ag PFA Focal Person it Municipal Disaster Risk Reduction and Management Office – Banga nga uwa eun nakatakod ro pipilang mga baeay bangud man sa pagbilinaha.
Insigida man nga nagpadaea it bulig ukon pangunang kinahangeanon ro katapo it MDRRMO Banga kun siin nga ro mga nawad-an it baeay hay temporaryo nga naghalin sa evacuation center sa nasambitan nga barangay.
Pagklaro ni Panagsagan nga may revetment wall sa lugar apang bangud sa pag-ilinuean ag soil erosion hay nasamad man.
Sa makaron may una 20 ka mga evacuees halin sa tatlong kapamilya.
Padayon man ro pagtao it padumdom sa mga kabaeayan nga mahimo man mahugos kapareho sa mga nauna.
Pahayag ni Panagsagan nga sigidas gihapon ro andang mga ginahimo nga pagmonitor sa mga kaeapit nga barangay.
Paghinyo ni Panagsagan nga likawan ro paggilunuwa kun uwa man it importante nga napanawan sa makaron nga mga tyempo.
