Uwa pa it pinal nga kasugtanan sa tunga it Pilipinas ag Russia angot it posibleng suplay it produktong petrolyo, suno kay Pangueong Ferdinand Marcos Jr.
Sa tunga kara, padayon nga naga-usoy ro gobyerno it alternatibong ginabuea-an it langis para masiguro ro bastante nga suplay sa nasyon sa oras it krisis.
Suno sa Pangueo, bukas ro Russia sa pagpaeawig it koneksyon sa Pilipinas sa istorya it enerhiya, apang ginklaro nga ro mga naging transaksyon kato hay temporaryo eamang ag uwa it pormal nga sistema.
Presenteng ginatun-an it gobyerno ro pagbilog it mas maayos nga mekanismo para sa posibleng dugang nga mabue-an it langis, samtang ginasaalang-alang ro mga geopolitical ag political nga problema antes magdesider kun magiging regular supplier ro Russia.
