Nakikipagbueuligan eon ro administrasyong Marcos sa International Monetary Fund (IMF) para sa pagpatigayon it pagtuon nga nagatuyo nga masabat ro manabang value-added tax (VAT) efficiency sa nasyon.
Suno kay Department of Finance (DOF) Secretary Benjamin Diokno nga maskin ro Pilipinas ro may pinakamataas nga VAT rate kumpara sa ibang nasyon, apang ro VAT collection hay “most inefficient” bangud nga naga abot eamang raya 40% nga resulta it maabung exemptions.
Sa ginpatigayon nga pagtuon it World Bank, ginpahayag ni Diokno ro policy gap ukon ro buwis nga dapat kolektahon ag kun ano ro aktuwal nga nakolekta hay naga eabot eamang sa P539 bilyon pesos.
Sa tunga sigon it export ag domestic market enterprises, mas ginpaboran it gobyerno ro pagtau it insentibo sa export-oriented firms bangud sa pakikipagsukoe kara sa ibang parte it kalibutan ag indi dapat nga ibutang sa disadvantage.
Bangud nga handum it administrasyon nga ipabilin ro fiscal discipline ag himuon ro konsolidasyon hasta 2028, may pagkinahangean nga i-preserve ro ginapatuman nga tax system.
