Ginapasiguro makaron ni Vice President ag Education Secretary Sara Duterte sa Department of Education (DepEd) nga siguraduhong maigabalik ro pondo it Special Education ukon SpEd para sa Fiscal Year 2023.
Suno kay Undersecretary Annalyn Sevilla, maka-angkon it internal realignment sa budget kara para matugyanan ro SpEd.
Igabalik sigon ro pondo it SpEd nga kapareho it alokasyon sa 2022 budget.
Samtang, ginkumpirma man ni Undersecretary Epimaco Densing III nga plano it ahensya nga ma-institutionalize ro budget para sa SpEd kung siin igabutang raya bilang kaparte it Tier 1.
Makigbuylog man ro DepEd sa Department of the Interior and Local Government (DILG) ag mga alkalde para sayuron ro datos it mga pamatan-on nga naga-eskwela sa idaeom it SpEd.
Sa pihak nga parte, nagaeaum man ro DepEd nga mapatuman ro infrastructure projects sa mga lugar kung siin maabo ro special education children
