NATIONAL News — Simple apang makahueugan ro naging pahayag ni Bise Presidente Sara Duterte angot sa anang impeachment sa Kamara.
Suno kana nga God save the Philippines ukon ginatugyan eon lang nana sa maka-ako ro kapalaran it nasyon .
Sa ginpatawag nga press conference, ginpahayag nana nga una imaw sa maayos nga kahimtangan sa pihak it impeachment.
Suno pa kana nga ko Nobyembre 2023 pa eamang antes nga magresign bilang sekretaryo it Department of Education hay nag-umpisa eon nga magpahaum ro anang mga abogado para sa impeachment complaints kontra kana ag nagpatigayon it legal briefing, hapon it Biyernes.
Sa pihak nga parte, eubus man nga nagpasaeamat ro bise presidente sa anang mga taga-suporta kadungan ro panindugan nga indi imaw maga resign sa pwesto .
Madumduman nga ko Miyerkules, gin-aprubahan it Kamara ro impeachment ni Duterte, kun sa siin 215 nga miyembro it manaba nga kapueongan ro bumoto pabor sa pagpahalin kana sa puwesto.
Ro articles of impeachment hay ginpasa eon sa Senado ko Miyerkules it hapon para sa pagbista.
Kun masentensiyahan it Senado, eubusan eon nga pagabawaean si Duterte nga magbuyot it anuman nga pampublikong posisyon, kaibahan ro pagpadaeagan sa pagkapangueo sa 2028 nga eleksyon.
