KALIBO, Aklan – Malipayon nga nagahimo it contents or mag-asawa nga sanday Ariel ag Kizz Zambrona sa bahin it Brgy. Manggan, Banga, Aklan.
Sa pakikipag-angot it Bombo Radyo Kalibo sa mag-asawa ginpakigbahin nanda nga for content only ro andang tema kun siin nga nagaguwa nga under de saya ro eaeaki ag pirme nga tama ro babayi.
Pagklaro nanda nga sa matuod sigon hay nagabueoligan ta sanda eain sa kun ano ro nakikita sa mga contents nanda.
Bangud sa tema it andang content hay nag-ani raya it maabo nga klase it reaksyon kapareho it pagpang’bash bangud sa nagaguwa sa andang videos.
Apang suno sa daywa nga ginabaton ag mas ginapasaeamatan nanda ro mga bashers bangud nga nagakita pa sanda ag baton eun nanda nga may mga makaraya gid man nga klase it reaksyon.
Paathag man it daywa nga si Ariel ro writer ag director, samtang si Kizz ro editor nanda ag andang unga ro camera man.
Naisip eamang sigon sanda magvlog kat nakamaternity leave si Kizz agud nga may kitaon raya gihapon ag indi maburyong samtang una sa baeay.// Sa pihak nga parte, bangud nga may trabaho si Kizz bilang maestra ag si Ariel hay manghunguma kada adlaw it Dominggo eamang nanda raya nahihimo sa bulig it andang unga ag mga in-laws.
Paniguro it daywa nga ibalik nanda sa mga supporters nanda ro andang kadaeag-an kun may bastante eun sanda nga kita halin kara.//Ginpaabot man it daywa ro andang pasaeamat sa mga supporters nanda.
Sa makaron, may una eun nga magsobra 16,000 nga follwers ro daywa sa andang account.
