SHOWBIZ News — Nagtaliwan eon sa pihak nga kinabuhi sa edad nga 90 ro Japanese actor nga si Nobuyo Oyama, nangin boses it cartoon cat robot nga si “Doraemon”.
Si Doraemon ro nagaserbe nga kalipayan it mga pamatan-on sa Japan ag maskin sa iba pa nga mga nasyon kapareho it Pilipinas.
Sa sueod it 25 anyos umpisa ko 2005, nagserbe si Oyama bilang boses it blue nga kuring nga naghalin sa ika-22 nga siglo ag daea ro anang “magic pocket” nga may sueod nga mga gadgets eakip eon ro pwertahan nga makadaea it sangka tawo sa nagkaeain-eain nga lugar.
Suno sa anang talent agency, napatay si Oyama ko September 29 bangud sa katigueangon.
Gintambungan it anang mga igbata ro anang eubong.
Ginapaguwa gihapon ro “Doraemon” bilang sambilog sa mga longest-running Japanese anime series nga bantog sa bilog nga Asya ag iba pa nga mga rehiyon sa kalibutan.
Maskin nga may nagbueos eon kay Oyama sa anang papel sa nagtaliwan nga haeos daywang dekada, magapabilin ro anang boses sa mga pamatan-on nga nagbahoe sa pagpamati kara.
Sa series nga “Doraemon”, nagbalik sa nagtaliwan nga paniempo ro sangka robot cat nga may mabahoe nga yuhom, agud nga buligan ro sangka tamad nga estudyante nga si Nobita sa mga hangkat sa anang adlaw adlaw nga pagpangabuhi.
Madumduman nga ko July it makaron nga dag-on, nagtaliwan man sa edad nga 88 ro boses sa likod it karakter ni ‘Nobita’ nga si Noriko Ohara.
