KALIBO, Aklan—Bukon it manami nga ehemplo sa isyu it pambansang pondo si Vice President Sara Duterte.
Raya ro naging komento ni former Bayan Muna representative Teddy Casiño sa nagapadayon nga pagpamati ag imbestigasyon sa isyu it paggastos it pondo it Office of the Vice President (OVP).
Madumduman nga ko antes pa man matapos ro buean it Setyembre hay naging mainit si Duterte bangud sa nagpatigayon it pagpamati in-aid of legislation ro House Committee on Good Governance and Public Accountability sa nasambit nga isyu.
Ro ginakabaeak-an sigon ni Casiño hay may mga lokal government officials eon nga nagatuead kara.
Bukon sigon it manami ro kasaysayan it bise presidente kon ro pambansang pondo ro paga-istoryahan.
Suno pa kay Casiño may kinamatarong ro publiko nga masayuran kon sa anu ginastos ro pondo nga halin sa kaban ng bayan.
Madumduman nga gin-insister ni Sara nga politika ro rason it mga imbestigasyon it Kamara sa anang taeatapan.
Bukon man sigon it isyu dikara ro pondo bangud nga ro minatuod nga katuyuan it imbestigasyon kontra kana hay impeachment.
