Ginbisitahan ni Vice President Sara Duterte si Senator Rodante Marcoleta sa Philippine National Police General Hospital sa Quezon City, agahon it Martes, Hulyo 7, 2026.
Nag-abot si Duterte sa ospital bandang alas-7:43 it agahon.
Sa PNP General Hospital si Marcoleta agud nga magpaidaeum sa laboratory tests.
Owa eon it gintau nga dugang nga detalye ro PNP angot sa pagbisita it Bise Presidente.
Ginpahayag dugang nga nakita man sa PNPGH si PNP public information chief Police Colonel Allan Rae Co.
Naaresto si Marcoleta, agahon it Lunes matapos magpaguwa it warrant ro Sandiganbayan Third Division angot sa P75-million plunder case nga ginpasaka kontra kana it Office of the Ombudsman bangud sa undeclared campaign donation nga nabaton sigon it mamalidha para sa anang 2025 senatorial bid.
