Plano it House Prosecution panel nga hinyuon sa impeachment court nga magpaguwa it subpoena kontra kay Vice President Sara Duterte agud obligahon rayang tumestigo angot it presentasyon it ebidensiya sa Article IV it impeachment complaint, nga naga-talakay sa grave threats allegations.
Suno kay counsel for the prosecutors Atty. Lorna Kapunan, target nga ma-pasaka ro request sa sueod it 11 trial days nga nakataeana para sa nasambit nga artikulo.
Ginhambae ni Kapunan nga iga-sumite ro hinyo sa Martes, kadungan it legal memoranda it depensa ag prosekusyon, sandig sa gintaeana nga proseso it impeachment court.
Ginpahayag man nana nga ginhambae ni Trial Presiding Officer Francis Escudero nga paga-desisyunan eamang ro hinyo kun naka-pasaka eon ro prosekusyon it pormal nga written motion.
Samtang, ginhambae ni prosecution legal spokesperson Atty. Benjamin Tolosa nga kun pasugtan nga tumestigo ro bise presidente, posible sigon nga bukon eamang sa istirya it grave threats maga-libot ro anang testimonya kundi possible man nga masakop ro iba pang mga importanteng isyu sa impeachment trial.
