KALIBO, AKLAN — Sangka waeong dag-on nga ungang babaye ro gina-alegar nga ginbueos-bueosan nga ginhimuslan it daywa ka mga eaeaki.
Suno sa lola it biktima nga uwa sigon imaw sa andang panimaeay kat matabo ro insidente.
Antes sigon nagsugid ro biktima sa anang ama hay nagatinangis raya.
Uwa pa sigon raya gasabat kat ginpangutana it anang ama apang ku ulihi hay nagsugid man raya.
Dugang pa it lola nga indi pa mapangutana it mayad ro unga bangod may trauma pa sa hanabu.
Ginpabutyag kara nga bukon man sigon it iba rong mga ginaturo nga suspek ag ginatatap na pa ro mga raya.
Insigida sigon nga gintawgan it kapulisan ag gin-aresto ro mga ginaturong suspek.
Sa makaron suno sa lola it biktima nga paga-istoryahan pa sigon nanda ro nasambit nga insidente kung pagapasakaan it kaso ro mga suspetsado ukon iga-settle eon lang.
