Wanted nga may kasong serious physical injuries, arestado

KALIBO, Aklan — Arestado ro sangka eaeaki nga may kasong serious physical injuries matapos ro ginpatigayon nga operasyon it Numancia Police Station.

Nakilaea ro suspek nga si Sonny Bert Pereira,  40,  ag residente it  Brgy. Mobo, Kalibo nga may warrant of arrest sa kasong serious physical injuries .

Natabu ro operasyon alas-6:00,  Martes it gabi-i sa baeay it suspek.

Ginkasa ro follow-up operation kontra kay Pereira matapos nga makabaton it impormasyon sa  anang ginakahimtangan.

Gamit kara ro warrant of arrest nga ginpaguwa ni Presiding Judge Joan Marie Bargas-Betita it 6^th Judicial Region 3^rd Municipal Circuit Trial Court Malinao-Lezo nga may petsang Setyembre 10, 2019.

Maayos man nga nagsunod ro suspek sa mga otoridad .

Kapin sa P18,000 ro gintaeana nga piyansa it korte para sa anang temporaryong kahilwayan .