KALIBO, Aklan — Arestado ro sangka mister nga wanted sa kasong pagpanghimueos sa sangka operasyon it kapulisan, bandang alas-10:20 Biyernes it agahon sa Brgy. Tabon, Batan.
Owa eon nagsukoe pa kat dakpon it mga operatiba it Batan Police Station ro suspek nga si Val Panado, 36, sangka laborer ag residente it Brgy. Ambolong, it nasambit nga banwa.
Ginkasa ro operasyon matapos masip-eatan ro suspek bangud sa warrant of arrest para sa kasong rape nga ginpasaka kontra kana nga ginpaguwa ni Presiding Judge Bienvenido P. Barrios Jr., it RTC 6th Judicial Region, Branch 3, Kalibo, Aklan nga may petsang Agosto 28, 2019.
Owa it gintaeana nga piyansa para sa anang temporaryong kahilwayan.
Si Panado hay gindaea sa presinto ag nakataeanang pagadaehon sa korte nga natungdan para sa nagakaigo nga disposisyon.
