KALIBO, Aklan — Arestado ro sangka eaeaki nga may kasong attempted homicide matapos ro ginpatigayon nga operasyon it mga otoridad sa Binondo, Manila.
Nakilaea ro akusado nga si Raymond Zorilla, 29, residente it Brgy. Ogsip, Libacao, apang presenteng naga-istar sa nasambit nga lugar nga may warrant of arrest bangud sa nasambit nga kaso.
Si Zorilla hay kaibahan sa top 10 most wanted sa banwa it Libacao.
Base sa report, nagpatigayon it follow-up operation kontra kay Zorilla matapos sanda nga makabaton it impormasyon sa anang ginakahimtangan.
Owa man nagsukoe ag maayos nga nagsunod ro suspek sa mga otoridad nga nakataeana nga iga-uli sa Aklan agud nga ipa-atubang sa korte nga natungdan.
Kapin sa P12,000 ro piyansa nga gintaeana it
korte para sa anang temporaryong kahilwayan.
