LIBACAO – Puspusan ro ginahimo nga pagbantay ag monitoring it Libacao Disaster Risk Reduction and Management Office sa water level sa Aklan River bangud sa pag-ilinuean gamit man ro mga newly installed CCTVs.
Pahayag ni Lennie Zambrona – LDRRMO III nga kaibahan nanda ro nagkaeain-eain nga ahensiya sa nasambitan nga aktibidad.
Pagsaysay ni Zambrona nga may pipilang residente man ro nagapilit nga magtabok gihaponn sa bulig it mga bangkero.
Sa makaron sigon hay uwa man naireport ukon nailista nga mga kasamaran bangud sa eain it tyempo.
Mensahe nana sa mga pumueoyo nga maging mapagmatyag ag mangin alerto.
Gin-enggayo man nana ro mga una sa delikadong lugar nga indi eun huetaon ro delikadong sitwasyon antes nga magbakwit sa mga nagakaigo nga evacuation centers.
Mahimo man sigon sanda makontak sa numero nga 273-2311 ag 09071489911.
Masayuran nga una sa idaeom it Yellow Warning ro nasambitan nga banwa.
