-- ADVERTISEMENT --
KALIBO, Aklan — Ginpasugtan eon halin ko Nobyembre 3 ro pilang mga water sports activities sa Boracay.
Uman nga naeksperyensyahan it mga turista ro paraw sailing, stand-up paddle ag kite surfing samtang sa Nobyembre 7 hay pagapasugtan eon man ro diving, fly fish, parasailing, banana boat at jet ski.
Nasayuran nga temporaryong ginbawaean it Department of Environment and Natural Resources (DENR) ro pagpatigayon it mga water sports activities sa isla kasunod it an-om nga bueang pagpasarado agud taw-an it daean ro marine biodiversity assessment.
Samtang, ginbuksan eon man it Boracay Inter-Agency Task Force ro Boracay wetland conservation park ag viewing deck bilang bag-ong destinasyon sa isla para sa mga turista.
