Temporaryong ginkansela ro mga water sports activities sa isla it Boracay bangud sa gail warning nga nae-eksperyensyahan.
Raya tuga it epekto it bagyong Betty nga nagapanaeasa eon sa Philippine Area of Responsibility.
Suno kay Sr. Chief Petty Officer Dominador Salvino it Philippine Coast Guard ukon PCG-Aklan nga mag-eowas sa mga water sports activities hay kanselado man ro biyahe it mga pampasaherong saeakyang pangdagat paagto sa Romblon.
Ginpakamayad sigon nanda nga ipaiway anay ro mga water sports activities agud nga indi mabutang sa peligro ro kabuhi it mga turista sa isla.
Sa pihak nga parte, maskin nga owa it suspension order, uman nga ginsaylo sa Tabon-Tambisaan Port vice versa ro operasyon it mga motorbanca nga nagabiyahe sa Boracay halin sa Caticlan – Cagban port bangud sa habagat.
Angot kara, ginpasiguro it PCG-Aklan nga insigidang magapaguwa it panibag-ong sea travel advisory nga magadepende sa weather condition it nasyon.
