Gindaea ni Victor Wembanyama ro France bago maisalpak ni Nicolas Batum ro pilang clutch baskets para perdihon it host country ro Brazil 78-66 sa Group B it 2024 Paris Olympics Men’s Basketball tournament sa Pierre Mauroy Stadium
Nagka puntos si Wembanyama it 11 puntos sa second quarter para mabag-o ro daeagan it hampang matapos timpranong nag-init ro Brazil ag nanguna sa first quarter sa skor nga 23-15 pagkatapos it unang 10 minuto.
Ginpamalas it generational 7’4 talent ro tanan nga tricks, sa fadeaway jumpers, three pointers, ag maskin sangka lay-up halin sa sangka anggulo sa likod it backboard, umpisa sa sangka spin move sa post kat magsueod sanda sa katung-anan nga may tatlong- point lead ag tanan it momentum sa kalibutan pagsueod it third quarter.
Apang nag angkon it sambilog pang hampang ro Brazil kanda para ubrahong kawili-wili ro mga bagay sa City of Lights. Nag umpisang magpagsik sanday Vitor Benito ag Marcelinho Huertas kat ro mga nagdaog sa OQT Riga hay pinutoe ro French lead sa ap-at, 62-58 may 5:41 ro nahabilin sa 4th quarter. Apang umiskor si Batum it waeong puntos halin sa ikatong punto, kabieang ro sangka backbreaking nga tres may 26 nga segundo ro nahabilin.
Nagtapos si Wembanyama nga may 19 puntos, siyam nga rebounds, ap-at nga steals ag tatlong blocks habang si Batum hay may parehong bieang it mga puntos, limang board ag daywang steals para makaibahan ro World Champions Germany sa tuktok it Group B. Sanday Cristian Felicio ag Leo Meindl hay may tig-14 nga puntos para sa Brazil nga makaibahan man ro Japan sa idaeom it grupo.
