Gin-anunsyo ni WHO chief Tedros Adhanom Ghebreyesus ku Miyerkules nga maga-bawas it haeos katunga ro andang executive management team umpisa Hunyo 16 bangud sa matinding kakueangan it pondo rason it pagputoe it kontribusyon it Estados Unidos.
Halin sa 11 opisyal, an-om eon lamang ro magapabilin sa taeatapan it WHO headquarters sa Geneva.
Kaibahan sa maga-halin sanday Mike Ryan, director it emergency response, ag Bruce Aylward, head it universal health coverage program.
Samtang, si Jeremy Farrar hay magapabilin bilang assistant director-general, samtang si Dr. Sylvie Briand it France ro magabaylo bilang chief scientist.
Nagpaandam man si Tedros nga posibleng umabot sa $650 million ro kakueangan sa pondo it WHO para sa 2026-2027, eabi eon ag uwa pa nagabayad ro U.S. it 2024 contributions ag posibleng indi man magbayad sa 2025. Ro isyu ngara hay pagatalakayon sa maabot nga World Health Assembly it WHO sa masunod nga dominggo.
