-- ADVERTISEMENT --
Nagpaandam ro World Health Organization (WHO) sa posibleng paglobo pa it kaso it COVID-19 sa North Korea.
Ginpahayag ni WHO emergencies director Mike Ryan nga bukon it maeayo nga maka-eksperyesya ro North Korea it mataas nga numero it pagtaeapnan bangud maabu pa nga mga pumueoyo ro owa pa nabakunahan.
Sambilog pa sa ginakabaeak-an nga magpa-grabe sa kahimtangan it nasambit nga nasyon hay ro owa nanda paggamit it mga bueong nga makit-an sa nagkaeain-eain nga mga nasyon.
Ginpasiguro man kara nga haum ro WHO nga magbulig apang owa pa sanda it gahum nga magpasilabot sa soberanya it sangka nasyon.
