Daeayon eon nga ginkansela ni Justin Bieber ro mga nabilin nga concerts hasta it 2023.
Nag-umpisa ro Justice World Tour ko Pebrero ag matapos it hasta sa Marso 25, 2025 nga igapatigayon halin sa nagkaeain-eain nga parte it kalibutan.
Sa anang social media account, ginpahayag it Canadian singer nga ginlaygayan imaw it anang doctor ag maging ro pamilya kara nga magpahuway.
Gusto nana nga tutukan ro anang mental ag physical matapos ro pilang serye it show nana sa Brazil ko nagtaliwan nga buean.
Ginlaygayan nana ro mga nakabakae it tickets nga itago eon lang nanda raya ag hueaton ro pilang anunsiyo sa pagpadayon it konsiyerto.
Madumdumang ko mga nagtaliwan nga mga buean hay nagkasakit imaw it Ramsay Hunt Syndrome nga nagtuga it pagkaparalisa it katunga sa anang uyahon apang matapos nga nagmayad ko Setyembre hay bumalik eon imaw sa anang mga concerts.
