Napabilin sa pwesto bilang presidente it South Korea si Yoon Suk Yeol.
Raya hay matapos nga i-boycott it mga mamalidha halin sa anang partido ro boto sa pihak it mga protesta sa guwa it parliament.
Suno kay Bombo International News Corrrespondent Yumi Kim, maabo gihapon nga kaalyado ag sumueonod si Yoon Suk Yeol rason nga uwa natuman ro pagpatalsik kana it oposisyon.
Ro ginduso sigon it mga oposisyon nga impeachment motion nga nagakinahang-ean kunta it two thirds majority votes hay uwa naipasaka bangud sa haeos kabilugan it People Power Party (PPP) hay uwa nagboto.
Makabig suno kay Kim nga uwa it gahom ro presidente it South Korea rason it anang panandalian nga deklarasyon it martial law sa nasambit nga nasyon.
Mag-eowas kara, may paeag sigon nga nasagap maghalin sa North Korea.
Apang, nagapati ro Filipino Community sa nasambit nga nasyon nga uwa it matabo nga kinagamo ag inde sarang masakop it North Korea ro South Korea ag ginakabig man raya nga safest country.
Sa makaron suno kay Kim, maskin may tensyon gihapon sa tunga it South Korea president ag ro mga oposisyon hay padayon ro normal nga pagpangabuhi sa nasambit nga nasyon.
