Positibo ro naging resulta it ginatawag nga makabag-ong protesta ukon unity walk nga ginhimo it Cooperative Alliance for Modernized Transport Business Industry Operation, AKKAP MO ag iba pang organisasyon parte sa natabo nga pagsuspende sa consolidation may kaangtanan nga Public Utility Modernization Program.
Raya ro pahayag ni Louie Tabios presidente it Cooperative Alliance for Modernized Transport Business Industry Operation sa pakikipag’angot it Bombo Radyo.
Matandaan man sigon nga ginpaabot kanda ro mensahe ni Pangueong Ferdinand Marcos Jr. ag DOTr secretary Jaime Bautista nga indi eun mapunggan ro pagbyahe it modernisasyon ag uwa it resolusyon para mapunggan raya.
Apisar suno kana nga bukon it perpekto ro proyekto mas manami sa gihapon nga indi punduhon ag bukon sigon raya it phase-out kundi consolidation eamang.
Panawagan ni Tabios nga “zero vote sa mga gakontra sa transport” ag raya eamang sigon ro andang mahimo nga itapat.
Bangud kara basi sigon nga igpiton ro andang pondo bangud kara.
Paathag nana nga bukon sanda it kontra sa gobyerno bagkus hay pabor sa mga proyekto kara.
Mahimo man nga iba sigon ro sa likod it nasambitan nga suspension.
Plano nanda nga maghimo it national summit para sa mga maibulig pa it gobyerno sa mga nagatuman sa nasambitan nga modernisasyon.
Ginklaro nana nga eain ro individual franchise eain sa sistema nga hasta may pasahero hay may mga masakyan pa.
Samtang, mga imported ro makina it mga modernized jeepney apang ro kaha hay kaya himuon sa lokal nga bahi, dugang nana.
Dapat nga raya sigon hay eksaminahon it senado ag kongreso kun paano mabuligan ro sektor it transportasyon sa nasyon.
Nagpasaeamat man si Tabios nga imaw hay nakikipag-angot sa Bombo Radyo Kalibo kun siin maabo eun kana ro nagacontact parte sa nasambitan nga butang.
