Nagpaguwa it notice ro Philippine Institute of Volcanology and Seismology (PHIVOLCS) angot sa pagtaas it seismic activity sa Bulkan Kanlaon. Suno sa ahensya, na-record ro 25 tanan ka mga volcanic-tectonic earthquakes halin ko Lunes September 9, 8:32 it agahon hasta alas-10:35 it gabi-e. Suno sa mga residente it Canlaon City, Negros Oriental nga nabatyagan nanda ro indi magnaba sa lima sa mga linog nga nailista.
Ro mga VT nga linog hay daea it pagkabasag it mga bato ag ro pagtaas it aktibidad in VT hay mahimo nga senyales it paeaabuton nga pagsabog it bulkan. Nagpaandam man ro PHIVOLCS sa mga residente nga ro bulkan hay nagapabilin makaron sa Alert Level 2, apang, bangud sa seismic activities nga na-obserbaran makaron, posible raya nga magtuga it eruptive unrest ag pagpasaka it Alert Level. Iwasan ro pagsueod sa sueod it ap-at (4) nga kilometro nga Permanent Danger Zone (PDZ) agod malikawan ro mga dilikadong butang halin sa sa mga pyroclastic density currents, mga ballistic projectile, pagkahueog it bato, ag iba pa.
Sa kaso it pag-uean it abo nga mahimong makaapekto sa mga komunidad nga sa direksyon it hangin halin sa bukana it Kanlaon. Gina advice man sa mga tawo nga takpan ro andang mga ilong ag bibig gamit ro basang tela, malimpyo nga tela, o dust mask. Dapat man sigon nga laygayan it mga awtoridad it civil aviation ro mga piloto nga iwasan ro pag-eopad maeapit sa ibabaw it bulkan bangud sa abo ag mga bato halin sa bulkan.
Ro gulpihang pagsabog hay mangin delikado sa mga sa mga saeakyang pangkaeangitan. Ro mga komunidad nga nagaistar maeapit sa mga pampang it suba sa south ag west nga parte lalo eon sa makakaeksperyensya it lahar ag mga pagsuoy it eotay hay ginpaandaman nga maghaeong kung nag umpisa eon ro mabaskog nga pag-uean maeapit sa bulkan o gina report eon raya. Padayon nga ginamonitor it DOST-PHIVOLCS ro aktibidad it Bulkang Kanlaon ag pagpabot it anumang impormasyon sa tanan nga mga concerned bag-ong stakeholders.
