Bukas si Senate President Sherwin Gatchalian nga isaylo sa hapon ro schedule it impeachment trial ni Vice President Sara Duterte samtang maga-umpisa ro Senado sa hearings sa ginaduso nga 2027 national budget.
Suno kay Gatchalian, ginakonsidera ro working hours it staff sa pag-arrange it schedule samtang gina-target nga matapos eagi ro impeachment proceedings.
Gina-deliberate it Senate impeachment court ro Article 1 it impeachment complaint, nga naga-akusa kay Duterte nga nagkomite it impeachable offenses.
Pahayag kara, kaeabanan nga nagabuhay it lima hasta an-um nga oras kada adlaw ro impeachment trial.
Madumduman nga ginduso ni Senator-Judge Migz Zubiri nga isaylo sa alas-3:00 it hapon ro impeachment trial ni Duterte ag alas-10:00 eon lang kunta sa agahon ro legislative session it Senado.
Tuyo kara nga mataw-an it bastante nga tiempo ro impeachment proceedings ag indi malimitahan ro oras bangud may nagasunod nga sesyon.
