KALIBO, Aklan – Patay ro siyam nga dag-on nga ungang babaye matapos maeumos sa baybayon nga sakop it barangay Tambak, New Washington, Aklan.
Ginkilaea ro biktimang si Clarise Timbas, residente it barangay Andagao, Kalibo.
Samtang, maswerting naka-eowas ro igmanghod kara nga si John Kenneth Timbas, 11-anyos ag si Abril Torres, 9-anyos nga kaibahan kara nga naga paligos.
Suno kay John Kenneth nga gulpi eamang humampak ro mataas ag mabaskog nga humbak kabangdanan nga uwa na eon makita ro daywa ka mga unga.
Insigida na raya nga ginsugid sa anang ina ag gin-usoy nanda ro daywa.
Nakita man eagi ro unga nga si Abril apang umabot it limang minuto antes nakit-an ro eawas it biktimang si Clarise bangod sa maeubog nga tubi it babayon.
Gindaea man ro biktima sa ospital apang gindeklara nga dead on arrival it mga doktor.
