KALIBO, Aklan — Nagapabilin nga coronavirus disease (COVID 19) free ro isla it Boracay ag bilog nga probinsya it Aklan.
Raya hay matapos nga nakabalik eon ro 11 turista nga puro naghalin sa Daegu City, South Korea nga ginakaeakipan it 6 nga eaeaki ag 5 babaye sa Incheon, sakay it direct flight sa Kalibo International Airport matapos nga uwa nakitaan it anumang flu-like symptoms.
Suno kay Madel Joy Tayco, deputy information manager it Malay inter-agency task force against COVID-19 nga sa makaron hay uwa it nailistang persons under monitoring sa andang hurisdiksyon.
Nasayuran nga ro 11 Koreano hay nakasueod sa Boracay ko Pebrero 25 agud magbakasyon sang adlaw antes magpatuman ro gobyerno it travel ban sa mga bisitang naghalin sa Gyeongsang province ag Daegu, South Korea ro epicenter it COVID 19 outbreak.
Ginklaro pa ni Tayco nga uwa ginpaidaeom sa mandatory quarantine ro mga Koreano kundi gin-obserbahan eamang bangud puro naghalin ro mga raya sa Daegu City.
