KALIBO, Aklan—Kasunod it pagpabilin sa Modified General Community Quarantine (MGCQ) it porbinsya it Aklan, maabo sa gihapon ro mga naga-eabag sa mga polisiya nga ginapatuman.
Sa banwa it Kalibo kapin sa 11 ka mga indibidwal ro naaresto it mga kapulisan nga nag-eabag sa COVID-19 curfew ordinance.
Ginkilaea ro mga raya kanday Melven Barroquillo; Reydison Abogadie; Robert Belan; Edgar Satta; Joel Ticer; Jay-Ar Gamboa; Kim Daril Torres; Joseph Custodio; Dioter Cawaling; Crisanto Fuerte ag Crestine Gamboa.
Kaabuan sa mga nasambitang persona hay una sa idaeom it makahieilong nga ilimnon kung siin naaktuhan sanda it mga otoridad nga padayun nga nagapabilin sa guwa it andang panimaeay sa tunga it curfew hour.
Angot kara, maskin nga nagapabilin sa MGCQ ro probinsya nagapadayun sa gihapon ro mga polisiya nga nauna eon nga ginpatuman it gobyerno para malikawan ro pagkalhit it Coronavirus Disease ukon COVID-19 pandemic.
Kung siin kaibahan eon kara ro curfew nga naga-umpisa it alas 9:00 it gabi-i hasta it alas 5:00 it aga-aga.
