KALIBO, Aklan — Ginkumpirma it pamilya it 13-anyos nga binatilyo nga nabo-oe eon ro naka-ungot nga nail pusher sa anang kinatawo matapos nga magpaidaeum sa operasyon.
Ginpasaeamatan it anang pamilya ro pamunuan ag mga manugturo it Angas Integrated School sa banwa it Batan ag iba pang indibidwal nga nagtau it bulig pinansiyal.
Madumduman nga ro Grade 4 pupil nga binatilyo hay na-bully it anang mga kaklase nga kon sa siin pagkatapos nga maghalin sa comfort room hay napag-tripan raya it sambilog sa mga kaklase nga naga-edad it siyam nga dag-on nga tadsukan it nail pusher ro anang bangko nga himo sa kahoy.
Ginasugid nga owa napan-uhan it biktima ro nakatindog nga nail pusher rason nga insigida imaw nga nagpungko ag nagsinggitan eon lang sa kasakit kat mabatyagan nga nag-ungot raya sa sensitibo nga parte it anang eawas.
Insigida raya nga gindaea sa Aklan Provincial Hospital para sa nagakaigo nga pagbueong.
