KALIBO, Aklan — Bangod sa pagka-stress sa thesis, naubra it sangka 16-anyos nga dalagita nga magbigti sa sueod it sangka payag, may pilang distansiya eamang ro kaeayu-on maghalin sa andang panimaeay bandang alas-12:00 it udtru-adlaw sa Barangay Talon, Altavas, Aklan.
Sa imbestigasyon it Altavas Police Station, nadiskubreng nakabigti ro biktima nga si Jahaziel Donguines Catalan, sangka Grade 11 student ag residente it nasambit nga lugar.
Ginhana pa it anang pamilya nga salbaron ro biktima, apang owa eon gid raya it kabuhi.
Nag gamit ro biktima it nylon nga eubid nga ginhigot na sa anang li-og ag ginsab-it sa kisame it andang payag.
Naga guwa nga posibleng naka-experyensiya it depression ro estudyante bangod sa pagka-stress sa andang thesis.
Suno sa anang igmanghud nga ku mga nagtaliwan nga inadlaw hay nagniwang eon raya bangod owa masyadong nakaka-on bangod sa mga ueobrahon sa eskwelahan.
