Nadakpan ro 18-anyos nga eaeaki nga may daea nga suspected marijuana leaves sa Sitio Dumlog, Brgy. Tambak New Washington Aklan ku adlaw it Huwebes, Pebrero 20.
Suno kay PLt. Theresa Grace Reynaldo, Deputy Chief of Police it New Washington Municipal Police Station, maga-conduct dapat it rescue operation ro mga katapo it kapulisan nanda para sa daywang ka minor, apang pag-abot nanda sa lugar, nasyuran nga may kaibahan pa sanda rayang tatlong eaeaki. Samtang paeapit ro mga otoridad, sambato sa mga eaeaki hay dumaeagan sa uwa nasayuran nga rason. Gin eagas man imaw ra hasta sa highway ag eagi nga nadakpan. Nagasukoe sigon ro suspek kaya may sangkiring komusyon nga natabo sa tunga nanda.
Samtang imaw hay gina-dakop, ro anang tuo nga alima hay nakasueod sa anang buesa ag kat ginahana nga icheck it mga kapulisan hay binuoe nana ro anang alima ag ginpilak ro sangka kinumos nga papel.
Nasayuran nga ru ginhaboy nga papel hay may sueod nga suspected dried marijuana leaves ag improvised topter nga may sueod man it ginapatihan nga residue it marijuana.
Presenteng una sa custodial facility it New Washinton PNP ro nasambit nga tinuga ag kahapon it agaho hay gindaea raya Capiz Forensic Unit sa Roxas City para mag pasaidaeom sa drugtest ag para i-test eon man ro suspected marijuana.
Samtang nag conduct sa gihapon it imbestigasyon ro mga katapo it New Washinton PNP para ma identify ro mga nakapaeagyo nga mga kaibahan it suspek.
