KALIBO, Aklan — Nagapangatubang sa kasong pag-eabag sa Republic Act 9165 ukon Comprehensive Dangerous Drugs Act of 2002 ro sangka gina-alegar nga nagaduso it marijuana matapos nga maaresto sa ginkasa nga buy-bust operation sa Archbishop Gabriel M. Reyes St., Poblacion, Kalibo, Martes it gabi-i.
Nabo-oe sa 18-anyos nga suspek nga si Jose Benuelle Delgado, residente it Rosal St., Kalibo ro sangka plastic sachet it ginadudahan nga ginpamaea nga dahon it marijuana kabaylo it P3,000 nga marked money.
Suno kay P/Maj. Frenzy Andrade, head it Provincial Drug Enforcement Unit (PDEU) nga kaibahan sa drugs watch list ro suspek matapos nga ikanta it mga nauna nanda nga naaresto nga mgapusher.
Kaibahan sigon raya sa grupong “batang pasaway”.
Dismayado man si Andrade bangud nga pabata nga pabata makaron ro mga nagaduso it iligal nga droga.
