International News ——–Kapin sa 18 protesters ro ninahan matapos nga paueanan sanda it water cannon ag teargas it mga kapulisan sa Thailand.
Nag-eontad ro insidente sa atubang it paliament building.
Nag-adto idto ro mga protesters para engganyuhon ro mga mamalidha sa pagbaylo it konstitusyon.
Gusto man it mga raya nga mapahalin si Prime Minister Prayuth Chan-ocha ag boe-an it poder si Maha Vajiralongkorn.
Bangud sa pagiging agresibo eon it mga protesters kon sa siin pilit ro mga raya nga nagatabok sa nakaharang nga barriers rason nga napilitan ro mga kapulisan nga paueanan sanda it water cannon ag tear gas.
Nagdepensa man ro tagapaghambae it gobyerno nga si Anucha Burapachaisri nga obligado ro mga kapulisan nga mapabilin ro kalinungan sa parliamento.
