POLICE Report — Owa ginaeauman it sangka 19-anyos nga eaeaki nga ro anang pagpahang-eab sa anwang ro magiging rason it anang kamatayon matapos raya nga atakehon it anang alaga.
Owa eon it kabuhi kat maka-abot sa ospital ro biktima nga nakilaea sa pangaeang Rensky ag residente it Barangay DSB, Pontevedra, Negros Occidental.
Suno sa kapulisan, nakit-an ro bangkay it biktima ko aga-aga it Marso 2, 2025, sa kaeanasan nga tadtad it nina sa nagkaeain-eain nga parte it anang eawas.
Bago ro insidente ko Sabado it hapon, nag-ea-ong ro biktima sa anang pamilya nga magapakaon ukon magapahang-eab raya it anwang sa eanas apang owa eon naka-uli pa.
Ginpahayag it pulis nga nataeupangdan nanda ro eaeaking anwang nga nakabuhi sa higot ag nagalibot-libot sa eanas nga puro dugo ro sungay, waea nga dueunggan ag anang eubid sa ilong nga sangka senyales nga gin-atake kara ro biktima.
Nagapadayun pa ro gina-obrang imbestigasyon it kapulisan angot sa insidente.
