Kumpiyansa ro Philippine Air Force nga mabahoe nga bulig para sa andang surface strike capabilities ro pag-abot it mga bag-ong bakae nga T-129 Atak Helicopters.
Kainang aga-aga, nag-abot eon ro daywa halin sa an-om nga mga bag-ong bakae nga helicopter halin sa Turkey ag nagtugpa sa Clark Air Base sa Mabalacat City, Pampanga.
Suno kay Philippine Air Force Spokesperson, Col. Maynard Mariano, ginbakae ro mga bag-ong air assets sa Turkish Aerospace Industries bilang kaparte it andang modernization plan – horizon 2.
Ginmanduan eon sigon ro 15th strike wing it Air Force para i-operate ro daywang bag-ong abot nga helicopters nga pagagamiton sa andang close air support para sa ground troops, armed surveillance ag reconnaissance.
Gintaw-an pa it punto ni Mariano, mas moderno ro mga T-129 Atak helicopter kumpara sa iba pang attack helicopters nga may una makaron ro Air Force.
