POLICE Report — Patay ro sangka daywang dag-on nga unga nga eaeaki matapos nga aksidenteng mahueog hasta sa maeumos sa suba sa banwa it Obando sa Bulacan.
Nakilaea ro makaeoeo-oy nga uga nga biktimang si Ivan, unga it sangka construction worker nga si Gilbert nga temporaryong naga-istar sa sangka barracks sa Brgy. Paco, Obando ag residente it Lubao, Pampanga.
Base sa report, natabu ro insidente bandang alas-8 it agahon sa suba nga sakop it Brgy. Paco.
Ginasugid nga nag-ea-ong ro anang ama nga maga-agto sa trabaho sa anang misis nga naga-eaba kat gulping naduea sa anang panan-awan ro unga rason nga gulpi raya nga ginkoebaan.
Bangud kara, insigidang gintawagan it misis ro anang mister nga mag-uli anay para usuyon ro andang naduea nga unga hasta nga ko ulihi hay nakitang naga-eutaw-eutaw eon raya sa suba.
Nasayuran nga insigidang gindaea ro unga sa ospital para sa paunang medikasyon apang binawian man it anang hueam nga kinabuhi.
Ginasugid nga nagpamalibad eon ro pamilya nga mag-agi sa eksaminasyon it SOCO bangud sa pagpati nga aksidente ro natabu base man sa report it kapulisan.
