KALIBO, Aklan —Ginapahaom eon ro mga kasong direct assault resulting to serious physical injuries ag alarm and scandal kontra sa daywang eaeaki bangud sa panggamo ag pagpanakit it mga raya sa mga pulis nga nagsita kanda bangud sa pagpanigarilyo sa front beach sa Station 2 sa isla it Boracay.
Ginkilaea ro mga suspek nga sanday Thor Caosing, 48, residente it Barotac Viejo, Iloilo ag Juan dela Cruz, 55, it Barangay Balabag, Boracay.
Base sa report, nakaeabag sigon it layer o daywa kapin eon ro pagpanigarilyo ag pagbitbit it botelya it aeak sa baybayon rason nga insigiang ginsita it mga nagapatrolyang sanday PO1 Nolido, PO1 Abris, PO1 Estacion ag PO1 Tomado.
Kat arestuhon, sa baylo nga magsunod hay nag-eskandalo pa ro mga raya, nagbasag it bote ag nagsukoe sa mga otoridad.
Bisan sa gindaehang ospital hay padayon sa pagwala it mga suspek, kon siin, ginmueay pa it mga raya ro daywang naka-duty nga nurse.
